Fridom

Endeleg ferdig med oppgåva. Trudde for ein gong skuld eg skulle bli ferdig med ei oppgåve FØR midnatt, men eg klarte sjølvsagt å rote til alt når eg skulle publisere, slik at mykje forsvann. FLAKS at eg frå tidlegare er klok av skade, og hadde teke backup ca hundre tusen gongar. No er det sovetid, og så får eg gå gjennom oppgåva ein siste gong når eg ein gong vel å stå opp igjen. Er så miljøskada av sjukdom og skulearbeid denne veka at eg snart byrjar tru på det eg sjølv skriv. I morgon blir det kino og kos, og ikkje minst sosial omgang! Ah! God natt!

Short paper # 1

Semiotisk analyse av Kristeleg folkeparti (KrF) sine nettsider

KrF sine nettsider skiljer seg ut frå dei fleste andre norske parti i at dei ikkje har eit tydeleg gjennomgåande fargetema. På bakgrunn av dette fann eg det interessant å analysere denne nettstaden.

Framgang

Korleis kutte vekk over 500 ord frå ei oppgåve som blir crap uten dei 500 orda?

Ser ein ende på oppgåva mi, men slit med å begrense meg. Har også problem med å koble pensum til oppgåva, då eg ikkje forstår noko av det som står i boka.

Ellers alt vel. Vi slit stadig med å finne ein artist til prosjektoppgåva vår, men reknar med det ordnar seg, helst i løpet av dei neste par dagane. Nokon må då vere desperate nok til å bli med på dette?

Tilstandsrapport #2

Har fått utsetjing på oppgåva mi til torsdag. Er heldigvis oppegåande og noko friskare, og godt i gang med oppgåva allereie.

No prøver eg å lese litt i Kress i håp om å bli smartare på kva eg driv med, men hittil har eg berre blitt forvirra. Av ein eller anna merkeleg grunn er ikkje Kress den beste medisinen mot hovudverken som har regjert hovudet mitt sidan forrige veke.

Tilstandsrapport

Er sjuk på tredje dagen, har to innleveringar innan tysdag og skulle ha vore på jobb i dag og dei neste to dagane. Kor lenge held eg ut før eg går i bakken med eit stort brak?

Er i alle fall i gang med den semiotiske analysen eg skal gjere av KrF sine nettsider. Får sjå kor langt eg kjem før helga er over, og eventuelt sjekke om det er mogleg å få utsetjing dersom eg ikkje skulle bli frisk snart.

Tre ganger tre hurra for å bli sjuk når det passar deg minst!

Prosjektstart

Då er vi i gang med hovudprosjektet i Huin105. Admir, Kristina og eg hadde første møte etter forelesning i dag, og var inne på mange idear, mellom anna ei oversikt over badeplassar i Bergen, ei side for Kristina sitt kor, og ei side for besøkstenesta til Røde Kors. Men til slutt enda vi opp med ideen om å lage ei heimeside for ein artist/band/kunstnar i Bergen, og arbeidet med å finne ein kandidat til dette er i gang. No må vi bruke kontaktene våre, og lage ei oversikt over moglege alternativ, før vi om ei veke skal bestemme oss for kven vi vil lage sida for.

Vi har laga ei liste over kva innhald vi vil ha med, men her kjem det sjølvsagt mykje an på kven vi skal omtale på sida. I alle fall er vi allereie, etter berre ein times arbeid, godt i gang med planlegginga. Håper vi finn ein fantastisk artist slik at prosjektet blir kjekt å jobbe med!

Dikt med ekstern CSS

No er diktet mitt med ekstern CSS ute. Har slite litt med å få ting til å fungere slik dei skal, og endte opp med å fjerne ein del av det eg hadde lagt inn då det ikkje ville bli godkjent av validatoren. Får prøve å finne ut av dette seinare tenkjer eg.

Uansett, den nye og vakre utgåva ser du HER.